Sali Berisha ka deklaruar se gjatë mandatit të parë të presidentit Donald Trump, pavarësisht kritikave dhe propagandës kundër tij, asnjë gazetar nuk është ndëshkuar. Ai ka theksuar se Trump ka mbajtur një nga fjalimet më të bukura, ku ka garantuar se nuk do të ketë censurë në SHBA. Në lidhje me mbylljen e Zërit të Amerikës, Berisha ka thënë se kjo është një çështje e gjeopolitikës globale dhe ka shtuar se mbyllja e kësaj radiorreth do të kufizojë shpenzimet e mëdha që bëhen për të, duke shmangur propagandën që administrata aktuale e konsideron të tepërt. Ai ka theksuar se ky veprim nuk ka të bëjë me censurën, pasi Zëri i Amerikës është një ent publik dhe mund të mbyllet, por nuk ka censurë nëse televizione private vazhdojnë të operojnë. Berisha ka përfunduar duke e konsideruar këtë një akt anticensurë.
“Komenti im është ky, gjatë mandatit të parë të presidentit Donald Trump, pavarësisht se çfarë thotë propaganda kundër tij, asnjë gazetar nuk është ndëshkuar. Unë e kam ndjekur sepse atë e kam tregues. Dhe e dyta,fjala më e bukur që ai ka mbajtur, ka qenë fjala për censurën, garancitë që ai dha se nuk do ketë censurë në SHBA. Në këtë kontekst, mbyllja e Zërit të Amerikës është çështje e gjeopolitikës globale. Pra, ata konsiderojnë se shpenzimet kolosale që bëhen me këtë radio të kufizohen ose të shmangin një propagande që administrata aktuale dhe zonja Lake e konsideronte të tepërt. Kështu që nuk ka të bëjë me censurën kjo. Ai është një ent publik. Nesër mund të vendoset të mbyllet televizioni shtetëror, por në qoftë se televizionet private kanë të gjithë hapësirën, shqiptarët nuk pësojnë asnjë censurë. Në këtë aspekt, mund të them se ai ishte një akt anticensure mbyllja e Zërit të Amerikës,” tha Berisha.
Discussion about this post