Berisha: McGonigal kërkonte arrestimin tim me ngulm

Kreu i PD Sali Berisha deklaroi në Euronews se MCGonigal ka kërkuar arrestimin e tij me ngulm. Ai tha se MCGonigal ushtroi presion të madh ndaj prokurorëve të SPAK.

Sipas Berishës, informacionet i ka të brendshme nga zyrat e SPAK.

Berisha: Ushtroi presion dhe presion të madh. Ai kërkonte arrestimin e Sali Berishës, madje me ngulm. Nga burime të brendshme të vetë SPAK i kam këto informacione.

Nëse mua më vijnë informacione dhe të tjerët s’i dinë, çfarë të bëj, t’i fsheh? Unë do i them, do i them se kanë interes publik këto gjëra.