“Më 20 shkurt do i japim tiranit atë që meriton! Ftoj fermerët të mbushin rrugët me mjetet e tyre atë ditë”. Me këtë thirrje ish-Kryeministri iu drejtua qytetarëve, lidhur me protestën e thirrur nga opozita në ditën e rrëzimit të bustit të diktatorit Enver Hoxha.
Berisha ka kërkuar nga fermerët që të mbushin rrugët me mjetet e tyre bujqësore dhe të vijnë në Tiranë t’i bashkohen protestës së 20 shkurtit, duke premtuar se kërkesat e tyre do të bëhen realitet nga qeverisja e PD-së.
“Kam një thirrje miqësore për të gjithë fermerët e Shqipërisë.
I përgëzoj për protestën që bënë sot. I garantoj se PD çdo kërkesë të tyre, të gjitha kërkesat e tyre, qoftë për barazinë e taksave, qoftë për TVSH-në e inputeve, qoftë për naftën, subvencionin për prodhimet, të gjitha do bëhen realitet.
Por mbushni rrugët me të gjitha mjetet tuaja bujqësore, mbushni sheshet, ejani në Tiranë me 20 shkurt, t’i japim tiranisë së hajnave atë që meritojnë.
Demokrate dhe demokratë, këto ditë përsëri theksoj se ju bëtë mrekullinë, bashkimin e demokratëve.
Kjo frymë bashkimi vendimtare për fitoren tonë, t’u frymëzojë ju kudo që jeni, të ngriheni në këtë betejë, e cila ka për fat fitoren, fitoren, fitoren!
Dhe së fundmi, një mesazh nga Rruga e Shpresës, rruga e dritës, rruga e fitores, Surrelit në errësirë.
E kam fjalën sarajeve të Surrelit dhe jo fshatarëve të Surrelit. Ata i përshëndes dhe i garantoj se shumë shpejt se e keqja që u ka mbirë në derë ju dhe mbarë shqiptarëve, do marrë atë që meriton”, tha Berisha.
Discussion about this post