Kryedemokrati Sali Berisha ka deklaruar para deputetëve se qeveria e Edi Ramës jo vetëm nuk ka për qëllim të luftojë kanabisin dhe drogën në përgjithësi, por është pikërisht ai vetë që qëndron pas gjithë këtij trafiku.
“Asgjë nuk e justifikon kanabisin në Shqipëri.
Por me Edi Ramën, Shqipëria është narkoshtet tipik, i vetëm në Europë.
Kanabisi mbulon vendin, por tani ka filluar të mbulojë vendin opiumi, lulëkuqja.
Ju garantoj se ato do të zëvendësojnë të gjitha prodhimet e tjera se janë shumë më të shtrenjta se kanabisi.
Keni parë operacionet policore, mashtrime se nuk arrestojnë një njeri të vetëm? Nuk arrestohen se janë socialistë, janë të gjithë të partisë.
Plus pasojat katastrofale mbi shëndetin, në radhë të parë në shëndetin mendor.
Pastaj një substancë që mbjell vetëm krim.
Ne do i kundërshtojmë me forcën më të madhe.”, u shpreh Berisha.
Discussion about this post