Edhe pse nuk kishte më shumë se 1000 vetë dje në protestë, Sali Berisha deklaron se mbushi Bulevardin mbrëmjen e djeshme. Berisha tha sot nga selia e PD se ajo ishte një protestë kundër aleancës së Beogradit me vasalët e tij në Tiranë dhe Shkup. Sipas tij, me mijëra qytetarët protestuan kundër Ramës si tradhtuar i popullit.
“Mbushën mbrëmë Bulevardin Dëshmorët e Kombit në një akt historik të protestës së dytë që nga viti 1998 të partive politike për interesin e tyre kombëtar. Interesi kombëtar në Shqipëri mbeti jetim prej 8 vitesh. Ai nuk u nëpërkëmb dhe u tradhtua nga Edvin Kristaq Rama dhe me heshtje u tradhtua po njëlloj nga ish-kreu i opozitës që me program dhe statut duhet të mbronte këtë interes, ‘Lulzim Brava’.
PD e rithemeluar mbi vlerat konservatore i tha botës se interesi kombëtar në këtë vend ka një avokat në PD dhe në opozitën shqiptare. Kjo nuk ishte një protestë kundër bashkëpunimit rajonal, por kundër Aleancës trepalëshe të Beogradit me vasalët e tij në Shkup dhe Tiranë. Kjo përbën rrezik serioz po të kemi parasysh që 2 vende vasale të Beogradit, janë vende anëtare të NATO-s dhe e kanë bërë këtë akt pa marrë asnjë miratim nga Aleanca e Atlantikut të Veriut“, tha Berisha, ndërsa shtoi se askush nuk mund të pranojë aleanca kundër vendit dhe Kosovës.
Discussion about this post