Ish-kryeministri Sali Berisha në fjalën e tij në parlament, deklaroi se Rama ka bërë udhëtime që kanë kushtuar plot 22 milionë euro. Berisha thekson se këtë shumë marramendëse vetëm për udhëtime e shpenzon kryeministri i vendit më të varfër në Europë.
Berisha: Sot kjo pseudo mazhorancë pas dhunimit të votës së lirë ka rrokullisur Shqipërinë në vendin me indeksion e shteti ligjor 4 shkallë nën Vietnamin socialist. Vietnami është një shtet në kushtetutën e të cilit sanksionohet partia komuniste si forcë udhëheqëse. Republika e Shqipërisë është një diktaturë, nuk mund të them se bazohet ne ideologjine marksiste-leniniste por është një narko diktatorë që bazohet në krimin vjedhjen e qytetarëve.
Si ka mundësi që një vend komunist me kushtetutë moniste, me kushtetute parti shtet, të jetë më mirë me ligjet, se sa një vend i NATO-s, Këshillit të Europës, që ka hapur negociatat.
Të gjitha këto janë sepse në këtë vend vota është fiktive si në Vietnamin komunist. Te ne vendimet në qeveri, parlament, gjykatë i merr krimi, droga, ryshfeti dhe vjedhja. Kjo është e vërteta. Për Edi Ramën nuk ka ligje dhe kushtetute që të pengojë vjedhjet e tmerrshme të tij. Ai njeri ka udhëtuar 137 herë me charter, një cmenduri te tillë abuzive s’ia ka lejuar vetes asnjë diktatorë përvec tij. 22 milione euro, kryeministri i vendit më të varfër në Europë. Më shumë udhëtime se presidenti i vendit më të pasur ne vend. Ca është kjo mo. Këta kanë urrejtje për ju qytetarë. Ju shohin si qenie inferiore.
Discussion about this post