Ish-Kryeministri Sali Berisha shprehu kritika të forta lidhur me zbatimin e reformës në drejtësi, të cilën e konsideroi një dështim. Berisha tha se në Gjykatat e Apelit janë mbi 76 mijë çështje që presin për tu shqyrtuar ndërkohë që janë 10 gjyqtarë, duke shtuar se duhen të paktën 15 vjet për të dhënë vendimet.
Por Berisha shprehur kritika të forta edhe në drejtim të SPAK, për të cilin tha se nga 2020 deri më sot nuk kemi asnjë zyrtar të lartë për gjykim.
“Ju them unë këtu. Ka 2 vite që është themeluar SPAK. Në vitin 2020 nuk ka dërguar asnjë zyrtar të lartë për gjykim. SPAK është zgjedhur për të mos guxuar të vendosin para ligjit zyrtarë të lartë. Dhe mburret se dënoi ish-kryeprokurorin me 2 vite. Ju them unë një gjë. Është absolutisht dënim politik.
Nuk them se nuk ka pasur shkelje ligjore, por ai zotëria denoncoi Donald Lu në Senatin Amerikan për korrupsion. Për atë që u dënua ai, Ardian Dvorani, Sokol Sadushi, gjykatësja Petro për shkeljet e tyre duhet të dënohen të paktën 8 vite burg. Dosjet e tyre të vettingut mbahen peng në zyrën e Edi Ramës. A mund të qëndroja unë i heshtur? Jo nuk mund të qëndroja” – tha Berisha.
Discussion about this post