Berisha, mesazh për 78-vjetorin e lindjes: Udhëtoj njëherazi në dy stinë

Kreu i Partisë Demokratike, Sali Berisha feston sot ditëlindjen e tij të 78-të teksa ka shpërndarë dhe një foto të tijën me bashkëshorten dhe një mesazh. Berisha shkruan se udhëton në dy stinë, në vjeshtën e jetës dhe pranverën e re politike.

“Sot 78 vjeç! Udhëtoj njëheraz në dy stinë.
Në vjeshtën e bukur të jetës dhe në një pranverë të re politike! Lavdi zoti! Mirënjohje të pakufishme familjes time dhe të gjithëve ju miq”, shkruan Berisha.

Një mesazh urimi për ditëlindjen e tij ka pasur edhe kreu i PL, Ilir Meta, i cili ka postuar një foto të Berishës me dy gishta lart dhe urimin për 78-vjetorin e tij.

“Gëzuar ditëlindjen Prof.Dr. Sali Berisha! Shumë urime të përzemërta!”, shkruan Meta.