Kryetari i Partisë Demokratike Sali Berisha, gjatë takimit me grupin parlamentar demokrat, ka hedhur akuza të forta për kryeministrin.
“Narkoterroristi Edi Rama është në Evropë kapiteni i anijeve të drogës, që flota Amerikane i fundos në oqean”, u shpreh kreu demokrat.
“Beteja jonë kundër narkoshtetit hyn në një fazë të re.
Se për fat të mirë të shqiptarëve dhe botës, në betejën kundër karteleve është hapur një kapitull i ri. Kartelet e drogës janë shpallur organizata terroriste ndaj dhe tani flitet për narkoterroristë, narkoterroristët dhe se cila është forca e narkoterroristëve të drejtuar nga Edi Rama atë e di më mirë se kushdo tjetër tregjet e kokainës në Europë, çmimin e të cilës e përcaktojnë narkokartelet terroriste shqiptare.
Janë narkoterroristët shqiptarë ata të cilët kontrollojnë dhe të kontrollosh çmimin në Europë do të thotë të jesh aksioner kryesor, do të thotë të jesh furnizues kryesor.
Pra në këtë betejë kundër kreut të organizatës kriminale shqiptare që e ka shndërruar Shqipërinë në parajsën e narkoterroristëve shqiptarë dhe ndërkombëtar për larjen e parave, që trupëzon në kulla miliardat e krimit, që narkoterroristët shqiptarë sigurojnë me narkoterrirostët e Venezuelës, Brazilit, Bolivisë, Uruguajt, Meksikës, Paraguajt.
Vetëm Diego Benitez kumbar kryesor që sipas dokumenteve zyrtare menaxhon 14 klane shqiptare. Asnjëri nga ne këtu që jemi, po të na thonë ulu e shkruani pak 14 klane nuk i shkruajmë dot se nuk ua dimë emrin dhe që merremi çdo ditë.
Kurse dokumentet zyrtare tregojnë se, Diego Benitez bashkëpunon, e ky është vetëm një i Paraguajt që qarkullon 350 ton kokainë në vit. Vetëm ky menaxhon 14 klane droge shqiptare.
Tani imagjinoni ju Benitazit e tjerë se sa menaxhojnë.
Nuk shkoi dot në New York. Kishte fiksuar dreka dhe darka që ta dinë shqiptarët me udhëheqës rajonalë, me kryeministra dhe presidentë rajonalë. U anuluan. A janë narkolidhjet apo shkaqe të tjera unë nuk mund të them, por këto të gjitha u anuluan.
Por qëndresa jonë ndaj këtij faktori shkatërrimtar, mbi qenien shqiptare, mbi ekonominë shqiptare, mbi ligjin shqiptar, mbi të drejtat e shqiptarëve është gjithnjë e më i vendosur.
Ju ftoj të lexoni materialet e fundit të cilat faktojnë me dokumente se, në ç’shkallë, se si në mes të Europës konsolidohet çdo ditë e më shumë, një shtet kriminal dhe që për fatin tonë, kjo nga një pjesë e zyrtarëve europianë nuk pranohet.
Sepse agjencitë e zbatimit të ligjit të Europës e kanë shumë të qartë, ua them unë ju, 100 përqind, por ka burokratë, ka zyrtarë që këtë nuk e pranojnë.
Megjithatë beteja jonë është gjer në faktimin, argumentimin, dokumentimin, e kësaj monstre që zhvillohet gjithnjë e më shumë në Europë dhe që kryesohet nga Edi Rama.
Çfarë thotë dosja e fundit.
Dosja e fundit se, Shqipëria është njëshi për larjen e parave të tyre.
Këto kulla që dëgjoni ju dhe resorte të gjitha, këto janë dhuratat e Edi Ramës për narkoterroristët.
Sepse nëqoftëse ti shkon dhe merr 28 tonelata në vit nga klanet narkoterroriste, ti je bashkëpunëtor i tyre, je narkoterrorist edhe ti.
Tani ju keni parë se si, po gjuhen në oqeanin Paqësor, flota detare amerikane çdo ditë, çdo 2-3 ditë e fundos nga një anije të tyre.
Por e rëndësishme shumë është të fundosen timonierët, kapitenët e tyre dhe këtu në Europë është Edi Rama.
Në Europë është Edi Rama. Le të thotë kush çdo lavdërim, çdo gjë. Unë e garantoj se po mbron një kryetar të një organizate kriminale.
Ndaj dhe ai në parlament sillet sikur të ishte Franc Çopja, sikur të ishte Çela, Elvis Doçi apo me radhë. Asnjë dallim nuk kanë qëndrimet e tyre ndaj rregullave dhe demokracisë.”, u shpreh ai.
Në fund të fjalës, Berisha pati edhe një kërkesë ndaj mediave
“Ju lutem, informoni saktë shqiptarët për narkoterrorizmin. Unë e kuptoj, tani do merreni me udhëtimin e tij në Nju Jork, punë e madhe, shkoi e nuk shkoi ai, nuk na duhet asgjë. Kërcënimi i madh serioz për Shqipërinë dhe shqiptarët është narkoterrorizmi”.
Discussion about this post