Kryetari i Partisë Demokratike, Sali Berisha, ka ndarë një video në Facebook, duke sjellë në vëmendje varfërinë e disa pensinoistëve shqiptarë.
Në video, shfaqet një i moshuar në mes të dëborës, buze rrugës, duke shitur asortimente ushqimore për të siguruar jetesën. Berisha ka theksuar se pensionisti ka një pension prej vetëm 7 mijë lekësh, ndërsa e shoqja e tij është pa të ardhura fare.
“Për kafshatën në dëborë e acar. Kryeministri me avion taksi! Kjo është pamëshirësi,” ka shkruar Berisha. Ai kritikoi ashpër qeverinë për kushtet e vështira të jetesës së qytetarëve të thjeshtë, duke e krahasuar këtë situatë me luksin e liderëve.
Në fund të mesazhit të tij, Berisha premtoi ndryshime pas 11 majit. Sipas tij, çdo pensionist do të marrë një pension minimal prej 200 eurosh pas këtij afati. Mesazhi i tij është një thirrje për reflektim dhe ndryshim në politikën sociale.
Discussion about this post