Berisha ndërron mendje/ Heq firmën nga kërkesa për mocion me debat urgjent

Berisha ka ndërruar mendim dhe nuk do të zhvillojë mocionin për debat urgjent, që lajmëroi pak ditë më parë lidhur me deklaratat e Ramës për BE. Kujtojmë se mazhoranca njoftoi se nuk do të pranojë për shqyrtim asnjë dokument që mban firmën e deputetit Sali Berisha, për shkak se sipas tij ai është shpallur non-grata nga SHBA për korrupsion madhor dhe minim të demokracisë. Për të sfiduar këtë qëndrim të mazhorancës, Sali Berisha doli para kamerave duke firmosur më 13 Maj n kërkesë për mocion urgjent me debat me Kryeministrin. Por mesa duket është bërë  pishman.

Pasi, në kërkesën e deputeteve të opozitës që është protokolluar në Kuvend me nr. 1802, datë 13.05.2022, mungon firma e deputetit Sali Berisha. Dokumenti që është dorëzuar zyrtarisht në Kuvend mban firmën vetëm të deputetëve Petrit Vasili, Erisa Xhixho, Monika Kryemadhi, Tritan Shehu, Edmond Spaho, Oerd Bylykbashi, Albana Vokshi, Belind Këllici, Edi Paloka dhe Flamur Noka. Duke qenë se kërkesa nuk është firmosur nga Sali Berisha ajo është përfshirë menjëherë në procedurë parlamentare dhe do të shqyrtohet nga Konferenca e Kryetarëve më datë 17 Maj, ora 10:00.