Ish-Kryeministri Sali Berisha ka ripërsëritur qëndrimin se do të respektojë ccdo vendim të Parlamentit lidhur me kërkesën e SPAK, që kërkon përmes një shkrese ashpërsimin e masave të sigurisë ndaj tij.
Pas mbledhjes së Grupit Parlamentar, Berisha tha se të gjithë jemi në unison se ky vendim bazohet në një vendim antikushtetues të mëparshëm të Skapit dhe gjykatëses së shkarkuar nga Sali Berisha në vitin 1996.
Berisha tha se nuk ishte njoftuar ende nga Kuvendit dhe se do të lexonte vendimin zyrtar.
“Janë të gjithë në unison se ky vendim bazohet në një vendim antikushtetuese, antiligjor të mëparshëm të SKAP-it të dhe gjykatëses së shkarkuar nga Sali Berisha në datën 8 shkurt të vitit 1996.
Duke thënë këtë, siç theksova edhe para dy orësh në konferencë shtypi, në vitin 2012 personalisht jam angazhuar në një nismë së bashku me mazhorancën e kohës për nenin e kushtetutës, i cili jep imunitet ndaj veprimeve të gjyqësorit.
Në këtë kontekst, vendimi i Parlamentit do të respektohet nga unë. Kushtetutshmëria kërkon që Parlamenti të ndryshojë ligjin dhe të vendosë të mos ketë mbrojtje për deputetët, por cilido të jetë vendimi i Parlametit, unë e respektoj”, nënvizoi ish-kryeministri.
Lidhur me ndryshimin e Rregullores së Parlamentit në mënyrë të njëanshme nga socialistët, ish-kryeministri Sali Berisha tha se ky ishte hapi i parafundit për asgjësimin e opozitës.
“Ndryshimi i rregullores së Parlamentit, sipas të cilit një grup deputetësh i lejojnë vetes ndërprerjen e përkohshme të mandatit të deputetit, përjashtimin për dy muaj dhe defakto heqjen e mandatit. Kjo është faza para përfundimtare drejt asgjësimit të opozitës në Parlament dhe ju garantoj se kjo do të shoqërohet me të gjithë përpjekjet e opozitës për rivendosjen e pluralizmit në Parlament”, tha Berisha për gazetarët.
Discussion about this post