Grupi Parlamentar i PD-së pritet të zhvillojë mbledhjen e rradhës mesditën e së premtes. Mbledhja mësohet se është thirrur nga Gazment Bardhi, kryetar i Grupit Parlamentar, dhe ajo do të mbahet në selinë e Kuvendit, në orën 12:00.
Pritet që në këtë mbledhje të diskutohen modalitetet jo vetëm për qëndrimin që do të mbajnë deputetët me nisjen e punimeve të Parlamentit, por edhe me krijimin e një fronti të përbashkët opozitar, në kuadër të unifikimit të qëndrimit.
Prej kohësh po flitet për një bashkim të deputetëve të opozitës, por së pari pritet një bashkim mes dy grupimeve në rradhët e PD-së, njërit të drejtuar nga Sali Berisha, dhe tjetrit që njihet si grupimi i Gazment Bardhit.
E ndërsa Berisha ndodhet në “arrest shtëpie” pas vendimit të GJKKO-së, pritet që deputetët e rreshtuar në dy grupimet të gjejnë një formulë që do ti bashkonte nën një “ombrellë”, ndërkohë që pritet që në Gjykatën e Apelit të nisë një proces themeli për të vendosur përfundimisht se kujt i përket logo dhe vula e partisë më të madhe opozitare, Lulzim Bashës që e njohin institucionet e kontrolluara nga Kryem,inistri Edi Rama, apo Rithemelit që drejtohet nga Sali Berisha.
Discussion about this post