Kryetari i Partisë Demokratike Sali Berisha, në konferencën e mbajtur me gazetarët ditën e sotme, iu drejtua qeverisë Rama për rënien e eksporteve dhe prodhimit në Shqipëri, duke theksuar se kjo ka sjellë humbjen e mijëra vendeve pune. Berisha akuzoi qeverinë për injorimin e sektorëve të rëndësishëm ekonomikë dhe lidhjen e krizës me aktivitetet kriminale dhe paratë nga narkotrafiku. Berisha tha se “narkoeuro” po investohen në projekte që përforcojnë pushtetin e Ramës, ndërkohë që sipërmarrësit po vuajnë nga rënia e euros.
Kryedemokrati prezantoi gjatë konferencës një plan për shpëtimin e eksporteve në Shqipëri, duke propozuar krijimin e një bordi të fiksimit të euros dhe kompensimin e eksportuesve për humbjet nga rënia e saj. Ai sugjeroi uljen e taksave dhe çmimit të energjisë për eksportuesit, heqjen e TVSH-së për energjinë dhe materialet e tjera, dhe mbulimin e shpenzimeve doganore nga shteti. Berisha gjithashtu propozoi krijimin e një zyre për mbrojtjen e eksporteve për të ndihmuar konkurrencën e lirë.
Lideri i PD denoncoi një skandal sipas tij lidhur me përdorimin e makinës së grupit të Xibrakës nga Olsi Rama, duke u shprehur se ky i fundit ka udhëtuar shpesh me këtë makinë, ndryshe nga deklaratat e tij. Berisha ndau një letër anonime që është protokolluar nga BKH, e cila përmban foto dhe informacion për Olsi Ramën, Gentian Xhixhën dhe Ermal Hoxhën, duke treguar lidhjet e tyre me aktivitete kriminale. Berisha akuzoi BKH-në për ndërprerjen e hetimeve dhe ka përmendur një rast të rrëmbimit të një biznesmeni. Kryedemokrati kërkoi transparencë dhe kritikoi Edi Ramën dhe qeverinë për mbulimin e këtyre informacioneve.
Kryetari i PD, Sali Berisha kritikoi ashpër hetimet për Olsi Ramën, duke e quajtur një gënjeshtër dhe ka thënë se Rama po përdor dëshmitarë të rremë për të montuar kallëzime. Berisha shtoi se hetimet mbi Olsin po kryhen nga institucione të tjera, jo SPAK-u.
Kryedemokrati theksoi dallimin e madh mes tij dhe Edi Ramës, duke thënë se ai i quan kriminelë ata që janë të përfshirë në krimin e organizuar, ndërsa Rama i quan “çuna”. Berisha akuzoi Ramën për lidhje me grupe kriminale dhe për minimizimin e trafikut të drogës, duke thënë se Rama nuk e konsideron drogën si një krim, por si një mënyrë për të fituar para.
Kryetari i PD, Sali Berisha kërkoi që gjykatësja Marsida Xhaferllari të deklarojë bashkëjetesën e saj, duke theksuar se, sipas ligjit shqiptar, çdo individ që bashkëjeton duhet ta deklarojë këtë lidhje. Berisha theksoi se, si gjykatëse kushtetuese, Xhaferllari është e detyruar të respektojë ligjin, dhe nëse nuk e bën këtë, ajo duhet të largohet nga detyra. Kreu i PD, Sali Berisha ka vënë në dukje se ligji kërkon që bashkëjetuesit të deklarojnë pasuritë dhe aktivitetet e tyre.
Kryetari i PD, Sali Berisha ka shpjeguar që qeveria e tij do të respektojë luhatjet e tregut të euros, por do të kompensojë eksportuesit për humbjet që ata pësojnë nga rënia e euros. Ai ka theksuar se nuk do të ketë kontroll të çmimeve si në një regjim komunist, por do të krijohet një bord që do të kompensojë eksportuesit për diferencën midis kursit të lirë të këmbimit dhe kursit që do të ishte nëse nuk do të kishte ndikim nga “narkoeuro”.
Kryedemokrati bëri apel për emigrantët dhe diasporën që të aplikojnë në Berisha siguroi se, nëse ka vështirësi në regjistrim, nuk duhet të humbasin durimin, pasi mund të realizohet në përpjekje të tjera. Berisha theksoi se nuk do të bëhen ndërhyrje në ligjin zgjedhor pa arsye të forta, por ka shprehur gatishmërinë për të bërë ndryshime nëse është e nevojshme për të siguruar votimin e emigrantëve, të cilët kanë të drejtë kushtetuese për të votuar.
Berisha komentoi denoncimin e Zaho Kokës për Olsi Ramën në BKH, duke thënë se ata po e sulmojnë njëri-tjetrin nga frika e krimeve që njohin për njëri-tjetrin. Berisha foli mbi cinizmin e deklaratave të politikaneve të lidhur me këtë çështje, duke thënë se pas gjithë kësaj fshihet ndikimi i Edi Ramës. Berisha theksoi se lufta brenda grupimeve të kësaj natyre është shumë e egër dhe se gjithçka ndodh nën miratimin e Ramës.
Discussion about this post