Ambasadori i BE, Luiggi Soreca ka bërë një deklaratë të fortë nga Korça, lidhur me përjashtimin e ish-kryeministrit Sali Berisha nga Partia Demokratike dhe garën e brendshme Berisha-Basha në selinë blu.
I pyetur nëqoftëse Berisha do të kthehej në krye të PD, a do të bashkëpunonte, ai nuk e ka mohuar bashkëpunimin me ish-kryeministrin edhe pse është shpallur non grata nga SHBA.
“Ne punojmë me të gjitha forcat politikë, ne kemi bashëpunuar me PD edhe kur ajo ishte jashtë Kuvendit, dhe ne do të ndjekim zhvillimet brenda partisë, asgjë nuk do të ndryshojë. Ne do të vazhdojmë të punojmë me të gjitha forcat politike”, ka deklaruar ai.
Poashtu Soreca ka komentuar 3 propozimet e Partisë Demokratike që janë depozituar në Kuvend, mes të cilave ka veçuar vettingun në radhët e politikanëve.
Sipas tij këto propozime të opozitës tregojnë se çfarë është demokracia duke theksuar rëndësinë e partisë demokratike në Kuvend.
“Ne nuk kemi pasur ende mundësinë që ta shohim propozimin dhe në fakt e dimë që është dorëzuar nga PD në kuvend. Siç e thashë edhe dje kjo është demokracia, ja si funksionon ajo, që opozita është kthyer në Kuvend dhe dërgon nismat e veta”, tha Soreca.
Mes të tjerash ai dha edhe një mesazh për median, e cila sipas tij është roli kyç i Medias dhe gazetarëve të cilët duhet të marrin pjesë në aktivitet që zhvillon çdo institucion. Ndërsa përfundon se media duhet të jetë e lirë.
