Sali Berisha ka kërkuar ndryshimin e rendit të ditë në Kuvend, duke kërkuar shtimin e çështjes së aksionit të policisë në kampin e MEK në Manzë të Durrësit.
Kreu demokrat ka akuzuar nga foltorja e Kuvendit qeverinë shqiptare për vrasjen e një personi në kampin e Mek, në Manzë.
Berisha ka kërkuar një minutë heshtje për anëtarin e MEK që humbi jetën në kampin në Manzë dy ditë më parë.
Berisha u shpreh se qeveria amorale e këtij vendi në strehë të vet një luftëtar lirie duke e cilësuar të turpshme aktakuzën e ngritur një ditë më parë.
“Jam këtu për të deklaruar sot se në këtë moment ndjehem më shumë se kurrë njëri prej tyre, ndjehem një muxhahedin, luftëtar i lirisë.
U shpreh atyre ndjenjat e mia më të sinqerta të mbështetjes dhe simpatisë.
Ndjehem sot muxhahedin, sepse qeveria amorale e këtij vendi vrau në bukë të vet, në strehë të vet, një luftëtar lirie.
Ndjehem sot muxhahedin më shumë se kurrë, sepse aktakuza e djeshme që lexuat, është historia më e turpshme për një vend.
Ajo ishte e shkruar në Teheran.
Aktakuza bazohej e tëra në shpifje, trillime të shërbimeve të ajatollahëve ndaj luftëtarëve të lirisë.
Aktakuza përmbante elementë të poshtërimit ekstrem të Shqipërisë dhe shqiptarëve, sikur nuk është një vend anëtar i NATO-s, por sikur është një vasal i Iranit.
Të marrësh ato për bazë, për të ushtruar një reprezalje më të turpshme në historinë e këtij vendi.
Ndaj kërkoj largimin e menjëhershëm të ministrit të Brendshëm.
Kërkoj të mbajmë një minutë heshtje për martirin e lirisë që ra për t’u bërë i pavdekshëm.
Ju ftoj të mbajmë një minutë heshtje!” tha Berisha.
Më pas Berisha, dhe deputetët opozitarë, mbështetës të tij, janë ngritur në këmbë dhe kanë mbajtur një minutë heshtje
Discussion about this post