Kryetari i Partisë Demokratike, Sali Berisha është shprehur në protestë se dalim para Evropës si njerëz të varkave dhe për këtë nuk nguroi të akuzonte kryeministrin Edi Rama.
Më fytyrë të nxirë, Berisha tha se Shqipëria sot është në rrezik ekzistencial për shkak emigrimit masiv, ndërsa tha se njerëzit po ikin për të shpëtuar nga tirania e mjerimi.
“Shqipëria sot është në rrezik ekzistencial. Opozita doli në fushë betejë me këtë slogan, u ngritën disa pyetje. Nuk kemi pushtues të huaj apo vend që kërcënon Shqipërinë, por fillojnë të bëjnë sens pas publikimit të skandaleve. A janë Shqipëria dhe kombi në rrezik ekzistencial? Ata që i vjedhin një populli votën i vjedhin të ardhmen më shumë se kushdo tjetër ne e dimë ne shqiptarët. Ne të gjithë votonim çdo katër vite në komunizëm, ashtu si kombet e huaja. Por kishim dallim të madh.
Tek ne votimi ynë ishte thjesht funeral i votës sonë pasi nga frika terrori dhe policia sekrete vota jonë kishte vdekur para se ta hidhnim në kutitë e votimin, shkatërronte dhe vidhte të ardhmen e një kombi. Mbas dekadash e përmbysëm por dolëm të uritur, u derdhëm në det për t’i shpëtuar tiranisë së mjerimit. Sot pas 31 vitesh pikërisht për herë të dytë, dalim para Evropës si njerëz të varkave, por shkaku nuk është tirania e mjerimi, por shkaku është i lidhur si atëherë me votën e vdekur të vjedhur nga Rama”, tha Berisha.
Lexo edhe: Berisha pas grushtit në fytyrë: Ne sot jemi fatkeq sepse…
Discussion about this post