Ish-kryeministri Sali Berisha në “Foltoren” e mbajtur në Shkodër, deklaroi se për Ramën, veriu i Shqipërisë nuk ekziston.
Berisha thekson se Rama 18-fishoi tenderat sekretë dhe po ashtu arrestoi njerëz, vetëm pse nuk paguajnë dot energjinë elektrike.
Në fjalën e tij, tha është qyteti më i diskriminuar në investime nga qeveria gjatë 8 viteve të fundit.
“Rama i dha përparësi homogjonisë serbe në Ballkan. Rama 18-fishoi tenderat sekrete. Rama nis mandatin e tretë se opozita kaloi nga dështimi në dështim. Nëse sot ai nis mandatin e tretë, përgjegjësitë bien mbi PD-në. PD nuk qe e zonja, nuk fitoi në asnjë nismë përpos se në dekriminalizim. Dua t’ju them që hiqni dorë nga marrëveshjet pa marrë mendimin e forumeve të PD.
Për Ramën, veriu i Shqipërisë nuk ekziston, se ka kryer arrestime njësoj si në vitet 1945-1946, për dritat, që në të gjithë botën janë çështje civile. Nuk mundesh që qytetarin ta lësh pa mundësi që të paguajë dot dritat dhe pastaj ta arrestosh pse nuk paguan për rrymën, kjo është absurde”, u shpreh Berisha.
Gjithashtu, lideri historik i partisë demokratike Sali Berisha ka folur me tone të forta nga Shkodra, ku tha se opozita këto 8 vite ka kaluar nga dështimi në dështim.
Ai akuzoi Bashën për marrëveshjet e tij pa miratim, çka ka bërë të kalohet nga turpi në turp.
Sali Berisha tha nga Shkodra se ka prova që Lulzim Bashës ndër vite i ka kërkuar dorëheqjen. Ai tha se në iPad-in e tij ka ‘dokumente’ që faktojnë se bisedat me Bashën në zyrë.
“Në këtë iPad kam shumë dokumente, që faktojnë se Lulzim Bashës i kam thënë në zyrën time shumë gjëra. Ato gjëra që keni kërkuar ju.
I kam kërkuar dorëheqjen në 2017 sepse rezultati i zgjedhjeve ishte rekordi më i zi. Por s’e kam sulmuar kurrë publikisht. Ky është gabimi im” – tha Sali Berisha.
Në takimin me demokratët në Shkodër, u shprehur se Lulzim Bashën nuk e ka zgjedhur ai si kryetar të PD. Ai tregon se pas dorëheqjes së tij, janë paraqitur vetëm dy persona për të kandiduar, Lulzim Basha dhe i ndjeri Sokol Olldashi.
Ndryshe nga ‘Foltoret’ e tjera, në qytetin e Shkodrës simpatizantët e partisë demokratike disktuan rreth krimeve të komunizmit, kjo solli edhe një situatë të tensionuar në këtë takim.
Teksa një prej demokrateve mori fjalën për të shprehur opinionin e saj mbi mungesën e legjislacionit, ajo i është drejtuar me pyetje ish-kryeministrit “Sa antikomunist ke qenë në këto 30 vite?”
Kjo ka sjellë ovacione nga salla të cilët kanë dashur t’i ndërpresin fjalën demokrates. Pavarësisht thirrjeve të Berishës për t’i kthyer mikrofonin Stela Karafilit, të pranishmit në sallë nuk ia kanë dhënë. Në fund ish-kryeministri i ka thënë se e pret në Tiranë në një takim për të folur më gjatë.
Ndërsa, një tjetër qytetarë tregoi momentin se si e priti lajmin kur mori vesh se kreu aktual i opozitës Lulzim Basha, përjashtoi nga Grupi Parlamentar Sali Berishën. Ai e ngriti sallën peshë pasi deklaroi se ka qarë kur ish-kryeministrin e përjashtuan nga PD.
Salla e kinema Millenium ishte e mbushur plot me simpatizantë, dhe shumë të tjerë mbetën jasht për shkak të numri të madh. Sali Berisha u prit me entuziasëm në bastionin e demokratëve, ndërsa u lajmërua në fund të këtij takimi se ‘Foltorja’ e ardhshme do të jetë në qytetin e Gjirokastrës.
