Kryetari i Partisë Demokratike, Sali Berisha teksa ishte i ftuar në panelin e konferencës “Revolta e Spaçit, 50 vjet-kujtesë kundër harresës” theksoi se Partia Demokratike në programin e saj do të ridimensionojë fuqishëm të gjithë qëndrimet ndaj kësaj sakrifice kombëtare.
“Kam vlerësimin më të madh për të gjithë ata të përndjekur dhe të burgosur, që nën parimin e madh “Rrno për me tregue” kanë publikuar dëshmitë e tyre. Tashmë po mbushet një boshllëk, i cili nuk ekzistonte, në një kohë kur letërsia e antivlerave arkivohej. Edi Rama sot nuk mund të vendosë një diktaturë, siç ishte ajo e etërve të tij. Por ai po vendos një lloj diktature, forma më e keqe e të gjithë diktaturave, diktaturën e bandave. Janë të freskëta ngjarjet e ditës së dielë, kur banditë të qeverisë kërcënuan me jetë. njerëzit e lirë. Sepse po organizonin një proces të lirë zgjedhor, si një detyrim kushtetues. Është më keq se në diktaturë, pasi në zgjedhjet e 14 majit u shkri në mënyrë të plotë, Policia e Shtetit me bandat.
Më tej Berisha shtoi se:- “Rikthimi i të drejtës së votës së lirë të qytetarëve shqiptarë është misioni i të gjitha misioneve, për të gjithë ata që besojnë se vota e lirë është origjina e të drejtës dhe ligjit. Propaganda dhe mediat janë në garë sesi të fshehin farsën e zgjedhjeve, dhe sesi ta maskojnë atë. Është rasti të përmbushim detyrimet tona. Shpreh nderimin tim më të thellë, për heronjtë e Spaçit dhe familjet e tyre.”
Discussion about this post