Kreu i PD Sali Berisha ishte në Burrel, me rastin e 32-vjetorit të themelimit të Partisë Demokratike.
Berisha tha se Rama është njeriu më i korruptuar në planet.
Berisha: Mati ka qenë dhe mbetet një trevë që e ka dashur demokracinë. I jemi mirënjohës përjetë Matit ne si parti Demokratike. Sot vendi ka nevojë për revolucion.
Në krye është vënë Edi Rama, që ka tentuar të bëjë çdo gjë për të shkatërruar opozitën e vendit. Angazhoi korrupsionin botëror kundër nesh. Me aferën e fundit McGonigal u dëshmua se Rama është njeriu më i korruptuar në planet.
Edi Rama, armik i lirisë së shqiptarëve, ia ka dalë që me taksat tuaja, me paratë tuaja, të rekrutojë, në kundërshtim me ligjet e vendit dhe SHBA, njërin nga personat më të rëndësishëm në fushën e sigurisë së asaj toke.
Por ky është akt, të cilin duhet ta ndëshkojmë dhe do e ndëshkojnë shqiptarët.
Shqiptarët nuk mund të pranojnë një kryeministër që angazhohet në korrupsionin botëror kundër opozitës shqiptare.
Ndaj dhe sot, çdo demokrat dhe demokrate, çdo qytetar dhe qytetare e Matit, Klosit dhe gjithë Shqipërisë janë në një mision historik: përmbysjen e këtij monizmi të urryer. Përmbysjen e këtij monizmi armik të lirisë dhe shqiptarëve, përmbysjen e një njeriu që në shtatë vite përzuri 31 përqind të popullatës, çka nuk ka ndodhur në asnjë luftë, në asnjë vend përveçse në Shqipëri.
Discussion about this post