Berisha nga “Foltorja” në Njësinë 9: Mogherini do vinte nesër në Tiranë! Rama i kishte bërë gati…

“Nga një komb ndër më të rinjtë në Europë, sot jemi kombi me lindshmërinë që kishim 100 vite më parë kur ishin 700 mijë banorë. Jemi kombi me lindshmërinë më të ulët në Europë për shkak të largimit të t rinjve. Nga 2018 vdekjet dominojnë shumë mbi lindjet. Në këtë trend rrokullisës, brenda disa dekadash do të shkojmë edhe më pak se 500 mijë banorë.

Jetojmë në një sistem diktatorial që ka pranuar pluralizmin, por shtyp dhe ngushton hapësirën për të qendruar në pushtet”, tha ai.

Në fjalën e tij, kreu i PD Sali Berisha, u ndal në arrestimin e ish zv/presidentes së Komisionit Evropian, Federica Mogherini, një nga tre personat e arrestuar nga policia belge të martën, në një hetim të gjerë për mashtrim mbi financimin e një akademie në Bruges për diplomatë të rinj, thanë dy persona me njohuri për hetimin për Euractiv.

“Ajo zonja që u arrestua dhe unë e përgëzoj, ajo nesër do ishte në Tiranë. Edi Rama i kishte bërë programin që t’i merrte deklarata asaj, por për fat të mirë Eurojust ia dha deklaratat asaj që i meritonte”, tha Berisha.

Berisha tha se në vitin elektoral, Rama arrestoi 2 prej liderve kryesorë të opozitës, Sali Berishën dhe Ilir Metën si dhe vuri në ndjekje penale kryetarin e PR, Fatmir Mediu.

“Për 2 vjet kam deklaruar se me Edi Ramën nuk ka zgjedhje, ai nuk lë ligj pa thyer për të marrë pushtetin. Për këto,  ai arrestoi në vit elektoral liderët e dy partive kryesore opozitare dhe tjetrin e vuri në ndjekje penale. Kryetarët e partive në raport me ligjin s’kanë imunitet, por kur i arreston në vit elektoral, si persona nën hetim pa asnjë akuzë, kjo do të thotë se i arreston si kundërshtarë politikë për të fituar zgjedhjet. 3 liderët e partive kryesore i vë në proces, të tre pa asnjë fakt penal”, tha Berisha.

Sali Berisha: Edi Rama i grabiti zgjedhjet, jetojmë në një sistem diktatorial

gijotina.com/