Pa certifikuar ende pozicionin dhe në vigjilje të Kuvendit Kombëtar të thirrur nga Lulzim Basha, vjen edhe sinjali i luftës për mbijetesë: Të gjithë në rrugë për protestë!
Protestë si sinjal për destabilizim të vendit dhe për një tjetër sinjal: sovrani thyen e shkatërron! E në këtë mënyrë Berisha ka çuar mesazh të drejtpërdrejtë te Rruga e Elbasanit për një duel force, teksa institucionet e kanë radhën nesër. Destabilizimi i vendit në vigjilje të ardhjes se presidentit Vuçiç merr spunto nga apeli i Berishës të Fevziu teksa i shmangej pyetjes se çfarë do të ndodhë më 19 dhjetor në PD. Berisha këtë radhë zgjodhi të flasë përsëri me gjuhën e rrugës dhe ftesës për rrugë: Protestë kombëtare në emër të kujt dhe në përfaqësim të kujt?
20 dhjetori është e hënë dhe Berisha ftoi njerëzit të zbresin në rrugë si një tubim në emër të së keqes. Në këtë situatë, ai instaloi sërish regjimin e zjarrit, teksa realisht demokracia dhe stabiliteti cenohen në anën e një axhende grupimi. Ftesa tepër djallëzore e Sali Berishës për tu hedhur në rrugë mbetet edhe një peshkim për Lul Bashën nëse do t’i ftojë demokratët t’i bashkëngjiten protestës. Nëse nuk do e bëjë dhe nëse e bën sërish do të mbulohet nga falanga e madhe e helmit. Berisha është nisur tanimë në një rrugë pa kthim, teksa protesta e thirrur do të vërë në provë Bashën se çfarë lëvizje do të bëjë e ku natyrisht një përgjigje do e japë nga Kuvendi. Turbulencat e forta në PD kanë mbetur e vetmja zgjidhje si e përhershmja e ustait që prin turmën për të rrëzuar institucionet. PD po pluskon stres e po jep sinjale që fatkeqësisht rreziku i viktimës pritet të vijë. Dhe këtë më shumë se kushdo e lips pala e 11-tës. Kryetari në detyrë, njëherësh edhe deputeti i mandatuar Basha është në një moment hibrid, por me një mbrojtje të madhe ndërkombëtare. Berisha do çojë deri në fund kauzën e tij kundër vullnetit dhe politikave amerikane, këtë radhë duke iu ofruar nisjen e destabilizimit rajonal me epiqendër… Tiranën!
Discussion about this post