Kryedemokrati Sali Berisha duke ngushëlluar familjet Zogu, të cilët humbën katër pjesëtarë të familjes në ngjarjen tragjike të djeshme, ku u mbytën në liqenin e e Banjës në Gramsh, u shpreh se shteti nuk ekziston.
Postimi
Dje ishte një ditë tragjike në ujërat shqiptare dhe jo vetëm në to.
Në ujërat e liqenit të Banjës u mbytën Arben Zogu, 46 vjeç me dy djemtë e tij, Rubens Zogun, 19 vjeç dhe Esti Zogun, 14 vjeç si dhe kushëririn e tyre Melsi Zogun, 20 vjeç.
Kjo tragjedi e madhe familjare, që ka tronditur thellë shoqërinë tonë ishte plotësisht e parandalueshme, në rast se do të ushtroheshin përgjegjësitë shtetërore për përdorimin e liqenit për qëllime turistike, plazhi dhe noti.
Por, shteti, për qytetarët nuk ekziston.
Duke i shprehur ngushëllimet më të ndjera familjes dhe banorëve të Gramshit për këtë tragjedi të rëndë familjare, dënoj me ashpërsinë më të madhe indiferencën kriminale për sigurinë në ujërat e vendit, që shprehet kudo dhe në të gjitha fushat, ndërsa dje ka pasur edhe 7 viktima të tjera në ujëra, rrugë, kabina elektrike etj.
Discussion about this post