Ish- kryeministri Sali Berisha njoftoi para pak minutash se “Foltorja: Për një Parti Demokratike më të bashkuar, më të fortë, më të hapur”, këtë herë do të zhvendoset në bastionin historik të demokratëve, në qytetin e Kukësit.
Berisha shkruan në Facebook se takimi me demokratët e bazës në qytetin verior do të mbahet ditën e nesërme në orën 17:30 në Pallatin e Kulturës.
Në foltoren e Elbasanit, ish- lideri historik i PD bëri thirrje për protesta të forta për rrëzimin e qeverisë, ndërsa nuk la pa përmendur edhe liderin e opozitës, teksa shtoi se në vend që të merret me masakrën e 25 prillit, po merret me karrigen e tij.
