Berisha ka deklaruar se Foltorja e tij do të mbahet edhe në SHBA, si për t’i dhënë kështu një sinjal autoritete amerikane që e shpallën “non-grata”. Kështu mbështetësit e tij janë mbledhur në New Jeresy sot për mbajtjen e Foltores së SHBA-ve. Berisha i ka falënderuar duke postuar video, ndërsa ddemokratët shfaqen me flamuj të PD-së dhe flamujt shqiptarë kuq e zi. “Përshëndes me mirënjohje demokratet e Long Island që janë nisur drejt Foltores! Zoti i bekoftë! sb”, shkruan Berisha në profilin e tij.
Foltorja do të nisë në orën 18:00 me orën tonë dhe 12:00 me orën lokale në New Jersey online. Kujtojmë se Lulzim Basha dhe Sali Berisha kanë filluar përplasjet mes tyre pasi kryedemokrati e përjashtoi atë nga grupi për shkak të vendimit të DASH. Ndërsa Berisha kërkon t’i sfidojë me “Foltoret”. Kujtojmë se me datë 10 nëntor, ish-kryeministri Sali Berisha dhe mbështetësit e tij dorëzuan firmat e mbledhura në selinë e PD-së, me qëllim mbledhjen e një Kuvendi Kombëtar më datë 11 dhjetor.
Discussion about this post