Ambasadorja amerikane në Shqipëri, Yuri Kim ka komentuar vendimin e Departamentit Amerikan të Shtetit për shpalljen “non grata” të ish-kryeministrit Sali Berisha. Pasi inspektoi nga afër stërvitjen e “Defender 21” në Pasha Liman, Kim me ironi duke përdorur sloganin e fushatës së Berishës në vitin 2009, komentoi vendimin e DASH.
“Shqipëria po ndryshon,”-tha ajo, duke shtuar se për vendimin nuk ka asnjë koment më shumë sesa sekretari amerikan, Antony Bliken. Sa i përket gjyqit që Berisha ka paralajmëruar në Francë, ambasadorja luajti të paditurën, duke shtuar se nuk kishte asnjë informacion.
Yuri Kim: Defender 21 është stërvitja më e madhe dhe Shqipëria është vendmbërritja kryesore. Që do të thotë se mijra trupa nga SHBA, që do të thotë rrithje domethënëse për të bashkëpunuar si aleatë. Këtë javë kemi vizituar Bizën, Kuçovën dhe sot jemi në Pasha Liman. Kur aleatët e NATO-s bashkëpunojnë, domuniojnë tokën, ajrin dhe detin. Së bashku me këtë zhvillim historik, ka edhe zhvillim të biznesnit. Ka zhvillime në fushën e energjisë. Do të doja të shihja më shumë investime në Shqipëri, sepse është vend i shkëlqyer.
Por duhet të punojmë së bashku, unë kam rolin tim, ju keni rolin tuaj. Keni parë zhvillime domethënëse, dje dhe një ditë më parë. Këto janë zhvillime pozitive që duhet të vazhdojnë. Pyetje për Berishën? S’kam për të shtuar asgjë më shumë sesa sekretari Blinken. Gjyqi? Se kam idenë se çfarë po thoni. Mesazhi është ky; Shqipëria po ndryshon. Shteti ligjor duhet të prevalojë, duhet të jetë një vend i pasur, për të shkuar aty askush nuk duhet të jetë mbi ligjin. Kështu që ditët e pandëshkueshmërisë po vijnë në fund. Të gjithë duhet të ndihmojmë. Ky nuk është një projekt i juaji por i joni. Kështu që le të vazhdojmë.
