Edhe pse Partia Demokratike nuk e ka përfshirë emrin e tij në Grupin e saj Parlamentar, Sali Berisha në vetëdeklarim është shprehur si deputet i Grupit Parlamentar të PD.
Partia Demokratike ka regjistruar 44 deputetë si pjesë e grupit të saj në Kuvend. 7 anëtarë nga lista e PD janë pjesë e grupit të PR. 7 anëtarë të tjerë nga lista e PD janë pjesë e listës së PDIU. Në total 58 deputetë. Ndërkohë PD fitoi në zgjedhje 59 mandate. Pra zyrtarisht Sali Berisha mbetet jashtë grupit të PD.
Mbetet për t’u parë se çfarë rruge do të ndjekë kryetari Basha pasi nuk ka instrumente për ta përjashtuar Berishën nga grupi, ndërsa më herët nuk kemi pasi raste të tille kur një deputet i përjashtuar nga Grupi Parlamentar të refuzojë përjashtimin.
