Kryetari i Partisë Demokratike, Sali Berisha, ka mbledhur sot Kryesinë e kësaj partie dhe para mbledhjes deklaroi se forca e tij politike do të shkojë në Parlament, pavarësisht se nuk njeh zgjedhjet.
Kreu demokrat u shpreh se nuk duhet lënë asnjë hapësrë bosh nga e cila mund të luftojnë kundër Ramës.
Më tej, Berisha tha se për të mposhtur Ramën duhen angazhim dhe përkushtim shumë i madh si dhe forca të reja.
“Ftoj kryesinë të mos njohë këto zgjedhje. Njohja do ta bënte PD bashkëautore në një farsë. Duke kërkuar këtë nga kryesia unë di se ka një debat: të marrim pjesë, apo jo në Parlament.
Mendoj se në këtë diktaturë ne nuk duhet të lëmë asnjë hapësirë bosh nga e cila të mos luftojmë kundër saj. Nëse ka një gjë themelore që kërkohet nga secili prej nesh, kërkohet qëndrim, si do ndryshojmë ne në raport me narkodiktaturën që ka uzurpuar pushtetin. Kërkohet ndryshim para këtij mali të farsës elektorale.
Beteja jonë këkron energji të reja, forca të reja. Nuk është variant të mos futemi në Parlament. Mundësitë për ta luftuar janë. Kërkon një angazhim dhe përkushtim shumë të madh nga secili prej nesh. Kërkon shfrytrëzim më të gjitha kapacitetet për t’u kthyer shqiptarëve votën e lirë.
Me Edi Ramën nuk ka zgjedhje. A e keni vënë re ju, çfarë ekziston për të. Digjen njerëzit të gjallë, ai nuk ekziston, digjen mijëra hektarë, nuk ekzistojnë. Për të ekzistojnë arkitekti, hapësira dhe Çopja dhe miliardat e Çopjas. Ti do marrësh 5 kulla, ti 15, ti 15 vila. Shiko ku jemi.
Tani po ndërton një ndërtesë të madhe për studio arkitekturore, sikur nuk kishte hapësira. Vetëm këto ekzistojnë, të heqim karriget këtu të hapim këto. Droge dhe vetëm drogë. Parlamentin do ta hapim me Komision hetimor për zgjedhjet, themelore fjala e lirë dhe vota e lirë.
T’i nxjerrim kriminelet elektoralë para shqiptarëve si kriminelët e djegësave. Komision për Mc Gonigal. E morët vesh se çfarë dimensionet ndërkombëtare planetare merr afera e tij, ku epiqendër është Edi Rama me Duçkën e tij. Ka tre vjet denoncimi i Bardhit, e mbyll Altin Troplini. Do ua them shqiptarëve të gjitha se çfarë kanë bërë dhe jemi të gatshëm të ndihmojnë hetimi në SHBA nëse e kërkojmë kemi fakte që janë të dobishme edhe për ta.
Në Parlament do jemi të pamposhtur ne mbrojte të interesave të tyre, Kjo është përgjigja që duhet të japim. Kjo është një betejë shumëplanësh.”, u shpreh Berisha.
Discussion about this post