Pak pasi votoi për zgjedhjet e kreut të PD-së, ku garon kundër Ibsen Elezit, ish-kryeministri Sali Berisha ka dhënë një prenoncim për gazetarët. Ai e cilësoi këtë ditë historike.
“I uroj të marrin pjesë të gjithë në këtë proces historik jo vetëm për PD, por edhe për Shqipërinë dhe demokratët të votojnë sipas vullnetit të lirë për kandidatin që duhet. Është një ditë historike për PD dhe gjithë Shqipërinë sepse është një proces që zhvillohet paralel me një proces të mirëfilltë mafioz si ai i zgjedhjes së Presidentit. I cili bazohet me dhunimin e grabitjen e vullnetit të lirë të shqiptarëve.”,-u shpreh Berisha.
I pyetur për vendimin e Gjykatës së Apelit pas pranimit të ankimimit të Enkelejd Alibeaj kundër vendimit të gjyqtarit Agron Zhukri, që regjistroi ndryshimet Statutore të PD të bëra në Kuvendin e 11 dhjetorit të zhvilluar nga Komisioni i Rithemelimit., Berisha tha se nuk ka vendim që e ndal këtë proces historik.
“Nuk ka vendim që mund të ndalë këtë mision historik të demokratëve shqiptarë.”-tha Berisha.
Vlen për t’u theksuar se vendimi i Gjykatës së Shkallës së Parë nuk është i shkallës së prerë pa dhënë vendimin Gjykata e Apelit.
Discussion about this post