Mercenarë të Edi Ramës në drejtësi, i ka cilësuar ish-kryeministri Sali Berisha, prokurorët e SPAK dhe gjyqtaren e GJKKO, që vendosën masa sigurie ndaj tij, në kundërshtim me Kushtetutën, duke anashkaluar Parlamentin.
Në një takim me anëtarët e FRPD-së, Berisha tha se Edi Rama nuk respekton asnjë standard dhe ligj për familjarët e tij, por porosit mercenarët e vet në drejtësi, që të vendosin në kundërshtim flagrant me Kushtetutën, në kundërshtim flagrant me Kushtetutën, Sali Berishën në masa kufizimi.
“Në një kohë kur Sali Berisha në vitin 2012 kishte dërguar ligjin për të hequr çdo lloj dallimi mes qytetarit dhe pushtetarit në Kushtetutë. Nuk e votoi se u thoshte të huajve, ky na arreston menjëherë.
Unë ja ku jam në opozitë dhe i them se e votoj nesër atë ligj. Por gjersa është në Kushtetutë, ai nen duhet respektuar se pastaj del një prokuror bandit dhe shkruan Kushtetutën në zyrën e tij.
Por kjo është banditokraci, nuk mund të pranohet.
Pra, në këto kushte të një banditokracie, shpresa është PD-ja, e cila në një proces, por i kapërceu. Qëndroi në të drejtën e vet.
I mohoi asaj çdo të drejtë kushtetuese në parlament. i mohoi të drejtën e krijimit të komisioneve hetimore parlamentare që është e detyrueshme në Kushtetutë kur mblidhen 35 firma. i mohoi asaj të drejtën e hartimit të ligjeve dhe diskutimit të këtyre ligjeve në komisionet parlamentare. i mohoi asaj të drejtën për të pasur përfaqësuesit e vet, siç don ajo, jo siç don Edi Rama.
Të gjitha këto shfaqje tipike të një diktature që nuk respekton asnjë ligj.
Megjithatë, PD është në këmbë dhe siç e shihni vazhdon betejën e vet”, tha Berisha.
Discussion about this post