Berisha nuk pranon distancimin: Përgjigjen e morët më 6 mars, zgjidhje është vota e lirë

Komisioni i Rithemelimit të Partisë Demokratike i është përgjigjur kreut demokrat, Lulzim Basha, i cili në mbledhjen e sotme të grupit parlamentar u shpreh i gatshëm duke vënë në dispozicion çdo zgjidhje për të bashkuar demokratet. Sipas Komisionit të Rithemelimit, dilema nuk është Berisha apo Basha, pasi sipas këtij komisionit për Sali Berishën dhe kandidatet e Shtëpisë së Lirisë votuan në 6 Mars 70 për qind e demokratëve.

“Kaq dite pas katastrofës elektorale ku e katandisi Partine Demokratike, ish-kryetari Lulzim Brava mendon se mund të marrë zvarrë edhe deputetet e Grupit Parlamentar të kësaj partie. Pasi i është përvjedhur gjithë jetën e tij politike përgjegjësisë për serialin e humbjeve, edhe kësaj herë kërkon t’i shpëtojë asaj duke e vënë veten tashmë i damkosur si humbës serial dhe peng mjeran në një hap me Sali Berishën. Grupi parlamentar dhe demokratët nuk janë sot para dilemës: Berisha apo Basha. Për Sali Berishën dhe kanditatët e SHL votuan në 6 Mars me gjithë logon e rrëmbyer 70 për qind e demokratëve, ndërsa PD e vulës, bravës pengut dhe bunkerit u rendit e treta për herë të parë në 30 vite që nga dita e themelimit të saj” – thuhet nw reagimin e Komisionit tw Rithemelimit.

Komisioni i Rithemelimit thotë se ringritja dhe fitorja kalojnë jo duke u bere vegël apo kukull e ndokujt, por vetëm përmes bashkimit i cili realizohet vetëm me një kusht: Vota e lire!

“PD e vulës dhe logos së rrëmbyer u katandis në këtë ditë sepse Lulzim Brava, peng i aferave dhe pazareve, injoroi dhe mohoi vullnetin e demokratëve dhe votën e tyre të lirë brenda PD-së. Përgjigjen ata e morën në 6 Mars! Zgjidhja e vetme është bashkimi përmes rikthimit tek vota e lirë! Anëtarët, drejtuesit, deputetët e PD e kanë vendin e tyre të pamohueshme në Partinë Demokratike të votës së lirë. Kush ka frikë votën e lirë të demokratëve nuk ka moral të kërkojë votën e shqiptarëve! Çdo demokrate dhe demokrat duhet të kuptojë se përjashtimet dhe mungesa e votës së lirë janë vdekja e një force politike! Ringritja dhe fitorja kalojnë jo duke u bërë vegël apo kukull e ndokujt, por vetëm përmes bashkimit i cili realizohet vetëm me një kusht: Vota e lirë!” – thuhet në reagim.