Kryetari i Partisë Demokratike, Sali Berisha teksa ka pohuar se samiti i BE në Tiranë më 6 dhjetor do të mirëpritet nga populli opozitar, nuk u tërhoq nga fakti se protesta e tyre do të mbahet në Bulevardin Dëshmorët e Kombit.
Ai tha se policia do të bëjë zgjedhjen e gabuar nëse ndalon protestuesit, ndërsa shtoi se për të është shumë e rëndësishme siguria e liderëve të BE.
Lexo edhe: Primaret/ Voton Berisha: Rama e shndërroi PS në parti të mafies
“Samiti i 6 dhjetorit është ngjarje e jashtëzakonshme historike për arsyet që vijojnë; së pari Europa i bën të qartë duke u mbledhur në Tiranë, Putinit, se kjo zonë, ky territor është i saj dhe ekspansioni dhe ambiciet e tij në Ballkan janë të papranueshme. Mesazhi i këtij samiti i jashtëzakonshëm, ndaj e mirëpresim. Por nga ana tjetër ky samit është i bekuar, pasi i jep mundësi popullit opozitar t’u dëshmojë mikpritësve se çfarë përfaqëson mikpritësi i tyre. Ai qëndron mbi drogën, krimin dhe votën e vjedhur. Në këtë kontest Edi Rama ulet aty si i pakallur. Populli opozitar do i dëshmojë Europës dhe botës se ai që qëndron si mikpritës aty nuk është gjë tjetër veçse kreu i Meduzës së vjedhjes së zgjedhjeve, e drogës, një fantazmë që bredh nga samiti në samit. Ky samit është një moment jashtëzakonisht i veçantë për shqiptarët.
Nuk ka rrugë që mund të bllokohet përveç zonës ku mblidhemi. Nuk kemi asnjë ndërmendje, pasi jemi më të interesuar se Edi Rama për sigurinë e liderëve. Ne jemi zotër në qytete. Mjerë Rama dhe Çuçi. Demokratët protestojnë në qytet, në shesh, por e dinë mirë se furimi i të zezave është në Surrel. E dinë mirë, se nga ata burojnë të zezat e vendit. Por protesta është në qytet. Policia do të bëjë zgjedhjen më të gabuar nëse na ndalon”, tha Berisha.
Discussion about this post