Pasi mazhoranca vendosi që t’i hiqte imunitetin e deputetit, ish-kryeministri Sali Berisha iu bashkua protestës së opozitës që po mbahet para Kuvendit.
Kreu i opozitës është shprehur se dhënia e autorizimit nga Parlamenti për arrestimin e tij, tregon tmerrin që ka PS nga opozita.
Pas miratimit të kërkesës së SPAK me 75 vota pro, Berisha iu drejtua protestuesve të mbledhur para Parlamentit duke u shprehur se misioni kryesor është rrëzimi i Ramës.
“Opozita shqiptare rezistoi, u ngrit mbi të gjitha pushtetet e krimit në Shqipëri. U ngrit mbi të gjitha agresionin e mafies ndërkombëtare që do një Shqipëri moniste, protektorat të krimit dhe narkoshtetit.
U ngrit dhe i kalli datët regjimit të Edi Ramës. Ndaj edhe ata, në një përpjekje fund e krye antiligjore dhe antikushtetuese, të bazuara në shpifjen e mijëra dokumenteve qeveritare mendoi se duke vepruar si sot do të mund të bien në qetësi. Misioni i tyre kryesor është o sot o kurrë të përmbysim narkodiktaturën.
Ju jeni dëshmitar se prej muajsh kemi denoncuar me fakte dhunimin e tmerrshëm të zgjedhjeve. Shqiptarët të mos mendojmë se me Edi Ramën do të kenë zgjedhje”, tha Berisha.
Kjo është një përpjekje që dëshmon tmerrin që kanë sot ata nga ju, opozita e vërtetë, që përjetojnë se pse dështuan me sipërmarrjen e tyre më kriminale, atë të krijimit të opozitë fasadë, të realizimit të ëndrrës së Edi Ramës për një narkoshtet pa opozitë.
Me Ramës s’ka zgjedhje, rrëzimi i tij nga pushteti është misioni ynë i shenjtë. Ky shushunjë vjedh me të gjithë tentakualat e tij s’mund të heshtim përpara aferave që arrijnë 1 miliardë”, tha Berisha.
Discussion about this post