Ish-kryeministri Sali Berisha i ka dërguar nga Fieri një mesazh paralajmërues Lulzim Bashës për përjashtimin nga grupi parlamentar.
Berisha i thotë Bashës se të gjithë ata që në 30 vite i kapi frika përfunduan keq. Sipas tij, Basha ka hequr nga Statuti edhe referendumet, por Berisha siguron se Kuvendi do të mblidhet dhe do të fusë në Statut nenin e referendumeve.
Më pas do të sanksionohet po në Statut edhe që kryetari i partisë që merr vendime që nuk janë pushteti i tij që në momentin që shpall vendimin përveç kohës së luftës do të shkarkohet në vend.
“Kryetari thotë që unë nuk do lejoj, kryetarit i them një gjë, të gjithë ata gjatë 30 viteve që i kapi frika e forumeve kanë përfunduar keq, prandaj ja ku i kemi gjithë njerëzit që mbajnë mbi supe, mos ki frikë, mos mendo se mund ti shkelmosh, mos luaj, mos luaj me pluralizmin. Kjo parti ka sakrifikuar shumë, ka sjellë pluralizmin.
Lëri ato, forumet do mblidhen, Kuvendi i partisë do vendosë. Çdo kryetar që i lejon vetes të marrë vendime që nuk janë pushteti i tij, që në momentin që shpall vendimin përveç kohës së luftës është i shkarkuar dhe posti i kalon nënkryetarit ose Sekretarit. Do të sanksionohet në Statut. E more vendimin për të shpëtuar veten, merre por nuk je këtë, do sanksionohet në Statut’’- tha Berisha.
Ndërsa në një nga pyetjet të të pranishmëve që iu drejtua Berishës, ishte se çfarë duhet të bëj Basha. Berisha i është përgjigjur duke i thënë se e mira do të ishte që ai të ikte andej nga ka ardhur.
“Lul Basha, peng Basha më mirë të themi do të jetë mirë të shkojë andej nga erdhi. Nuk e ka bërë kush kurrë, nuk ia ka bërë kurrë kush një partie atë që i bëri ky. Ndoshta ai kishte akumuluar ndaj meje.. se unë gjithçka bëja që të isha zëri juaj, në gjithçka tek ai” – është shprehur Berisha.
Ish-kryeministri Sali Berisha ka sulmuar kreun e PD-së nga Fier, teksa e cilësoi aparimor, të pabesë dhe aktin e tij amoral. Ai kujtoi se shqiptarët janë një komb i besës dhe se as Amerika nuk e vlerëson pabesinë.
