Kryetari i Partisë Demokratike Sali Berisha u shpreh se Partia Demokratike duhet të reagojë për të pënguar kreun e qeverisë Edi Rama, për marrëveshjen e Portit të Durrësit.
Ai tha gjatë takimit në selinë blu, se Rama po tenton të kalojë në mënyrë të “rrufeshme” marrëveshjen e Portit të Durrësit. Ndër të tjera, Berisha pas protestës që organizoi ka paralajmëruar ngritjen e një komisioni hetimor parlamentar, çuarjen e kësaj çështjeje në Gjykatën Kushtetuese, si dhe tubime të mëtejshme.
“Nuk ka njohur toka një vjedhje si kjo. Ndërtohet për pasunarët dhe qeveritarët Marina Bay, paguajnë shqiptarët sikur të jenë skllevër rreth 2 miliardë për portin tjetër. Kurse Rama, Olsi dhe Karricët e tyre, sipas asaj që kanë shkruar aty, 60 përqind, se e kanë sekret, 60-përqindëshi nuk mund të jetë kush tjetër përveç Edi Ramës, Olsi Ramës, Bledi Çuçit dhe klanit qeveritar të drogës.
Nuk mund të jetë kush tjetër. Edi Rama po vepron në mënyrë të rrufeshme për kalimin e ligjit për këtë marrëveshje, dhe ne në mënyrë të rrufeshme duhet të krijojmë komision hetimor parlamentar dhe duhet ta dërgojmë në gjykatën kushtetuese. Tjetër instrument që kemi në dorë, protesta e fuqishme kundër kësaj grabitje të fuqishme”, tha Berisha.
Discussion about this post