Berisha paralajmëron “protesta të fuqishme”

Kryetari i PD-së, Sali Berisha paralajmëroi “protesta të fuqishme” gjatë një deklarate ditën e sotme.

Ai u zotua se “protestat e fuqishme do jenë një drejtim themelor me të cilin ne synojmë të dridhim themelet e këtij regjimi të bazuar mbi krimin, vjedhjen dhe drogën”.

Berisha tha po ashtu se nuk ka qëllim më të madh për PD-në, se ndalimi i emigracionit të të rinjve, duke e cilësuar “hemorragji të tmerrshme”.

Kreu i PD theksoi se “nuk do njohin kurrë një proces zgjedhor të bazuar mbi votën e vjedhur”.

“Manipulimi i zgjedheve ka filluar masivisht dhe ne po e ndjekim me intensitet. Por ne qëndrojmë në vendimin tonë. Në mënyrë absolute do jetë përgjegjës dhe demokratë nuk do tolerojnë kurrë, nuk do njohin kurrë një proces zgjedhor të bazuar mbi votën e vjedhur. Shqiptarët duhet ta dinë se Edi Rama nuk ikën me votë. Se ky sot në këtë moment që flasim, narkoshtetin e tij e ka shndërruar në një makineri gjigante elektorale, që përdor tonelatat e narko-eurove, përdor makinerinë shtetërore, përdor gjithçka për të dhunuar votën e shqiptarëve. Përgjigjia është vetëm një: vetëm revolucion”, shtoi.