Ish-kryeministri Sali Berisha ka folur për mediat pas përfundimit të takimit të grupit të deputetëve, ku ka paralajmëruar se aksioni i opozitës vazhdon pa kthim deri në fitore.
Ai paralajmëroi një qëndresë të fuqishme nga deputetët e Opozitës të hënën në parlament, ditën e caktuar për të miratuar buxhetin e vitit 2024.
“Deputetët e opozitës në emër të popullit opozitar dhe qytetarët që besojnë te vlerat e demokracisë, që konsiderojnë pluralizmin mjetin kryesor të saj, që besojnë që pushtetarët duhet të hetohen nga komisionet parlamentare me transparencë, do pasqyrohet e gjithë veprimtaria, një nen me një rëndësi kapitale duhet të respektohet.
Ligjet, rezolutat amandamentet e opozitës duhet të përcillen në përputhje me procedurën parlamentare
Këto janë kërkesat me themelore, për të cilat deputetët janë të vendosur në këtë betejë pa kthim deri në fitore.
Deputetët e PS mund ta kalojnë buxhetit pa miratim fare, sepse ata nuk kanë rregulla. E rëndësishme është që shqiptarët do shohin ditën e hënë qëndresën e fuqishme të opozitës në parlament. Kjo është një betejë pa kthim” tha ndër të tjera Berisha
Discussion about this post