Kreu i Partisë Demokratike, Sali Berisha, ka lëshuar sot akuza të forta ndaj kryeministrit Edi Rama gjatë fjalës së tij në Kuvend, duke deklaruar se çështja e inceneratorit të Tiranës është një skandal që “do ta ndjekë deri në fund të jetës”.
Berisha u ndal te dëshmitë e ish-prokurorit Nesti Angoni, duke paralajmëruar se së shpejti do të dalin publikisht të tjera prova që, sipas tij, do të rëndojnë edhe më shumë situatën për kryeministrin.
“Dy gjëra do e ndjekin Edi Ramën gjer ditën e fundit të jetës: djegësi i Tiranës. Ai prokurori që e kërcënoi Rama ka mbajtur dosjen për muaj e vite dhe kur e pyetën pse nuk akuzoi Erion Veliajn, tha: se më duhej të akuzoja Edi Ramën,” deklaroi Berisha.
Duke iu referuar dëshmive të Nesti Angonit, ai shtoi: “Edi Rama nuk shpëton kurrë nga djegësi i Tiranës. Po dalin si libër edhe dëshmitë e Nesti Angonit. Prisni se do të ketë edhe një Nesti Angoni të dytë. Është lule i pari, do ta shihni të dytin.”
Çështja e inceneratorit të Tiranës vijon të mbetet një nga debatet më të nxehta politike në vend, me hetimet e autoriteteve dhe akuzat e ndërsjella mes palëve politike.
gijotina.com/
Discussion about this post