Në një konferencë për mediat ditën e sotme ish-kreu i PD, Sali Berisha, ka paralajmëruar se bashkë me mbështetësit e tij do të zhvillojnë shumë shpejt një tjetër protestë. Ai mohoi akuzat se protestuesit kanë goditur me gurë apo sende të forta ndaj selisë. Madje Berisha tha se ishte policia e komanduar nga Rama, që qëlloi me shkopinj gome dhe gaz lotsjellës qytetarët.
“Protesta e radhës do të mbahet. Kjo është selia e PD, ata të cilët, e kam më të gjerë këtu. Ata që mendojnë e pranojnë për kryetar atë të emëruarin nga Edi Rama me polic, bëjnë një akt destablizues me polic. Asnjë gur i vetëm nuk u gjuajt ndaj narkopolicisë. Pavarësisht nga sjellja shtazore e saj”, u shpreh ai.
Protesta e djeshme filloi me përplasje të forta dhe dhunë, ku disa qytetarë mbetën të lënduar, ndërsa godina e selisë blu pati shumë dëmtime. Këtë protestë e kanë dënuar edhe figura të njohura ndërkombëtare, përfshirë edhe amerikanët.
Discussion about this post