Kryetari i Partisë Demokratike, Sali Berisha, në një deklaratë për mediat ka ngritur akuza të forta ndaj drejtuesve të AKSHI-t dhe personave të lidhur me institucionin.
Ai tha se paratë e përfituara nga tenderat kanalizoheshin përmes grupit “Çopja”, të cilin e cilësoi si “lavatriçe” të skemës së pastrimit të parave.
Sipas Berishës, në këtë skemë përfshiheshin Mirlinda Karçanaj, Agasi dhe bashkëpunëtorë të tjerë. Ai deklaroi se Agasi ishte njoftuar paraprakisht për operacionin dhe masat ndaj tij, duke përmendur si të mundshëm informues Vlora Hysenin, kryeministrin Edi Rama apo kreun e SPAK, Altin Dumani.
Berisha e mbylli deklaratën duke thënë se “histori të tilla nuk gjenden as në romane”, ndërsa kërkoi transparencë për hetimet dhe veprimet e institucioneve.
“Ermal Beqiri dhe Ergysi janë në Dubai. Te çunat e Dubait. Motra e Agasit është drejtoreshë juridike te AKSHI, këta janë si familje aty. I rregullonte tenderat. Beqiri dhe Agasi kontrollonin të gjithë transaksionet e shqiptarëve nga pc i tyre. Kishin të gjithë data-baze të bandave kriminale. Paratë që praçkisnin në AKSH, Agasi, Beqiri, Frangu, përdornin si lavariçe Çopjat, një njeriun e Francit. Kjo është e vërteta. Por e vërteta është se këto janë mandatet kryesore, por Agasi ka ikur nga Shqipëria i njoftuar, ose nga Vlora Hyseni, ose nga Edi Rama ose nga Dumani.
Këta kanë qenë njerëzit e besuar të tij, që kërcënonte bashkëpunimin e tij me Suel Çelën. Histori si këto nuk gjen dot as në romane dhe sa në filma. Është larguar koka tjetër e mafies, së kopshtit privat, Ermal Beqiri. Skam dijeni nëse janë bërë kontrolle në Surrel apo jo! Asnjë lajm! Është thirrur apo jo zonja Rama për t’u pyetur. Është e regjistruar Geron Meçe që i thotë bashkëbiseduesit; po, tenderat i përcakton zonja! Është e njohur ajo. Është thirrur apo jo, e imagjinoni vetë ju!, tha ai.
Discussion about this post