Kryetari i Partisë Demokratike, Sali Berisha duke folur në tubimin poshtë banesës së tij këtë të diel, ka theksuar edhe njëherë tjetër se me ardhjen e demokratëve në pushtet, do vendoset minimumi jetik, pensionet, bursat prej 200 euro dhe rroga minimale 500 euro.
“Paratë për vendosjen e minimumit jetik prej 200 euro, pensioneve, bursave prej 200 euro dhe rrogë minimale 500 euroshe, do u merren hajdutëve”, u shpreh Berisha.
Lideri i opozitës u ndal te rritja e pensioneve, bursave e pagave për shqiptarët, ku shtresat më vunerabël të shoqërisë, siç u shpreh, vuajnë në skamje me pagesat qesharake të narko-shtetit të Edi Ramës.
“Paratë për rritjen e pensioneve, bursave e pagave, do merren në qindra milionë euro që vidhen në rrugët e vendit”, theksoi kreu i PD-së.
Berisha, gjatë fjalës në tubimin qytetar, u shpreh se taksapaguesit shqiptarë nuk do të paguajnë më për naftën dhe shoferët e zv/ministrave dhe drejtorëve, madje këtyre te fundit do t’u hiqen edhe makinat.
Lideri i demokratëve deklaroi se qeveria përmes turizmit zhvat qytetarët shqiptarë. Berisha tha se turizmi është parajsë për mashtruesit, për qeveritarët dhe ndëshkim e mjerim për qytetarët më të të varfër që paguajnë për çdo turist, 230 euro për frymë.
Discussion about this post