Ish-kryeministri Sali Berisha ka hedhur akuza ndaj kreu të qeverisë Edi Rama duke e cilësuar si hajdutin më të madh të pasurive publike dhe njeriun më të urryer pas Enver Hoxhës.
Berisha gjithashtu u shpreh se kjo vjeshtë do të jetë vjeshta e triumfit mbarëkombëtar.
“Edi Rama, i damkosur në mënyrë përfundimtare, si hajduti më i madh i pasurive publike të këtij vendi, si njeri që ndërtoi sarajet e tij me 400 mijë lekë të deklaruara dhe 3800 euro.
Edi Rama, përjeton fundin e i të pashmangshëm, pas rrënimit përfundimtar të votës, atë e pret përgjigja e merituar e 600 mijë votuesve idealistë. Në këtë kontekst, e damkosi dhe raporti i fundit i ODIHR.
Edi Rama është shndërruar në figurën më të urryer në Shqipëri, pas Enver Hoxhës, nga patriotët shqiptarë.
Po përpiqet të shpëtojë regjimin e tij me dacibao, duke përdorur kriminelë me uniform dhe toga që nuk pyesin për kushtetutë, ligje apo procedura, por zbatojnë si mercenarë porositë e tij.
Këto janë motivet më të fuqishme për çdo shqiptar, për të shndërruar këtë vjeshtë në vjeshtën e triumfit të mbarë shqiptarëve mbi këtë regjim antishqiptar e çnjerëzor”, tha Berisha.
Discussion about this post