Ish-kryeministri Sali Berisha ka dhënë një deklaratë për mediat pas mbledhjes që zhvilloi në selinë blu me anëtarët e Komisionit të Rithemelimit.
Para gazetarëve, Berisha tha se në mbledhje është diskutuar për listat me të cilat do të votohet për organet organizative të PD, si dhe për probleme të tjera.
“U diskutua për listat me të cilat do të votohet për kryesitë, kryetarët. Lista do u dërgohet kryesive të PD që do të japin viston përfundimtare, kam besim të plotë se ekziston vendosmëri për të bërë gjithçka që çdo anëtar i PD të votojë për kryetarin e degës, grup seksionit dhe kështu me radhë. U diskutuan probleme të tjera dhe me këtë rast dua të garantoj çdo anëtar të PD se formulari i shpërndarë nuk ka asnjë qëllim veç pajisjes me dokumentet e PD dhe jo për qëllime votimi, këtu duhet të jemi të qartë. Në këtë diskutim të zgjeruar diskutuam për zgjerimin e spektrit të organizatave të bashkëpunimit me organizata të tjera veç organizatave partnere dhe ky bashkëpunim do të jetë lokal dhe qendror. PD është një hap drejt hapjes të forcës politike”, tha Berisha.
Discussion about this post