Gjatë një deklarate për mediat, kreu i PD-së Sali Berisha ka hedhur akuza ndaj kryeministrit Edi Rama, duke thënë se “pasi paketoi Erion Veliajn, u tha deputetëve mos guxoni ta mbroni se atje do të shkoni.”
Më tej kryedemokrati ka deklaruar se Rama tre ditë më parë kërkonte votat e PD për ta shkrirë dhe për ta zhdukur SPAK, tani e përdor atë si kamxhik ndaj kandidatëve të tij.
“Imagjinoni padrinon në bodrumin e tij, që nuk dini asnjëri prej jush se kush kandidon në këtë qark apo atë qark sepse listat po bëhen nga organizatat e tjera kriminale.
Ka një panik, ka një tmerr në radhët e partisë së krimit.
Dje Edi Rama, pasi e paketoi Erion Veliajn, u tha mos guxoni ta mbroni se atje do të shkoni.
Çfarë ishte ajo deklaratë dje? A nuk tregoi se ai është në harmoni të plotë me SPAK-un? Tre ditë më parë kërkonte votat e PD për ta shkrirë dhe për ta zhdukur, tani e përdor atë si kamxhik ndaj kandidatëve të tij”, tha Berisha.
Discussion about this post