Sali Berisha gjatë një bashkëbisedimi me ndjekësit në rrjetet sociale, ka sulmuar partitë e reja, të cilat kanë futur familjarët në listat e mbyllur të kandidatëve për deputetë, siç është koalicioni “Nisma Shqipëria Bëhet” e Adriatik Lapajt dhe Endrit Shabanit, koalicioni i Dashamir Shehit dhe Enkelejd Alibeajt apo “euro-atlantikët” e Lulzim Bashës.
Berisha ei ka konsideruar këto parti si pateria të Edi Ramës, teksa vendimin për të futur familjarët në lista si të frikshëm.
“Ishte i frikshëm vendimi i disa partive që quhen të reja gjoja, por që janë paterica të Edi Ramës, kur pashë që futën familjarët e tyre në listat e mbyllura. Nga dy dhe tre familjare në listat e mbyllura. Imagjinoni ju një qeveri të tyre, do ishte një qeveri me familjare. Do bënin atë që bën Edi Rama sot që ndan paratë me baxhanakun, ndan pronat me vëllain, ndan shuma me familjarët e vet. Këto janë origjina e tmerrshme e korrupsionit. Sikundër ministrat, me ligj nuk do mund të merren në asnjë mënyrë me prokurimet publike dhe koncesionet. Nuk janë marrë. Dhe kjo i bën ata syçelët ndaj korrupsionit në ministritë e tyre.” – tha Berisha.
Discussion about this post