Në seancën e sotme plenare, ish-kryeministri Sali Berisha, ka shpërthyer me akuza të forta ndaj mazhorancës për Portin e Durrësit.
Berisha e ka cilësuar si plaçkitjen më të madhe, ndërsa akuzoi kryeministrin Rama se ai po kërkon të shndërrojë Portin e Durrësit si një pronë të vetën. Më tej, Berisha tha se Kuvendi po kërkon me ngulm për të kufizuar kohën e opozitës në mënyrë që të mos flasë.
Lexo edhe: Sot miratohet buxheti, pedagogët dalin në protestë para Kuvendit
“Prona publike më e madhe sot po vidhet. Prona më e madhe që kanë shqiptarët sot. Në këtë akt të kësaj megafere kërkohet të kufizohet me çdo kusht fjala e deputetëve të Parlamentit. Sigurisht që me marrëveshjen që votuat në 2020 dhe atë me procedurë të përshpejtuar për bashkëpunim me Emiratet, në kundërshtim me Kushtetutën dhe MSA i krijuat grupit të Edi Ramës, të gjitha favoret dhe avantazhet dhe garancitë ligjore për këtë plaçkitje të pashembullt. Sot, ju kërkoni të varrosni Portin shekullor të Durrësit si pronë publike të shqiptarëve dhe ta shndërroni këtë në pronë të tyre. 4 miliard euro investim në Beograd përfundoi në ato që i mori mafia Kariç. Klani Rama me 60% të aksioneve, çfarë ka Alabbar dhe Rama nuk do e marrim vesh ndonjëherë, por ky klan u përvetëson shqiptarëve 200 mijë metër katrorë tokë n pjesën më të rëndësishme të Durrësit”, tha Berisha.
Deputetët demokratë kanë kërkuar interpelancë urgjente me kryeministrin e vendit, Edi Rama në seancën e sotme parlamentare, lidhur me situatën e krijuar në vend nga përmbytjet.
Gjatë seancë maratonë të së enjtes, pritet të miratohet buxheti dhe paketa fiskale 2023. Në rend dite është futur marrëveshja me Portin e Durrësit, e cila ka shkaktuar shumë debate mes opozitës dhe maxhorancës.
Opozita e cilëson si një aferë korruptive pasi maxhoranca kërkoi ta kalonte me procedurë të përshpejtuar dhe akuzon qeverinë se nuk ka bërë transparencë.
Discussion about this post