Në seancën e sotme parlamentar ish-kryeministri Sali Berisha është përplasur me disa nga ministrat e qeverisë Rama. Ndërkohë ka kaluar në një debat të ashpër me zëvendëskryeministrin, Arben Ahmetaj. Ndërsa u rikthye te pasojat e pandemisë, Berisha tha ë Shqipëri janë shënuar 14 mijë e 700 viktimave, ndërsa qeveria mburret lartë e poshtë se kaloi këtë fatkeqësi me sukses. Ai akuzoi qeverinë se la me mijëra qytetarë të vdesin në shtëpi dhe nuk iu ofroi shërbim.
“Këta janë tipa njerëz që kanë në borxh me gjakftohtësinë më të madhe të ecin mbi kufoma. Shqipëria numëron 14 700 viktima nga Covid ndërsa këtu rrihet gjoksi se si e përballuam në nivelin më të lartë në Europë të vdekshmërisë. Këto kanë humbur çdo ndjenjë njerëzore. Janë përgjegjës për këtë dramë të madhe. Lanë pa shtruar mijëra qytetarë të vdesin nëpër shtëpia”, u shpreh Berisha. Ndërsa Ahmetaj tha se Berisha kaq qenë ai që furnizonte me naftë vrasësit e shqiptarëve dhe ndërsa përmendi embargon e naftës me Rusinë, ai tha se qytetarët e din se kush i ka qëlluar pas krahëve.
Në një moment ka ndërhyrë edhe ministrja Elisa Spiropali duke thënë se Berisha përdor çdo fatkeqësi për kredo politike. Duke replikuar me Spiropalin Berisha e ka akuzuar se ka përvetësuar 5 milion euro nga pandemia.
Discussion about this post