Ish-kryeministri, Sali Berisha i është përgjigjur aktivistes Enida Kaziu, e cila e ndodhur në aktivitetin e organizuar nga Partia Demokratike ngriti zërin duke e fajësuar liderin historik për situatën ku ndodhet Shqipëria. Në fund të aktiviteti, Berisha iu përgjigj dhe u ndal tek pasuria e tij. Ai tha se vetë zotëron vetëm një apartament 30 metra katrorë më të madh se ai që ka pasur në diktaturë dhe 100 mijë euro në llogari bankare. Berisha ftoi të gjithë që të konsideronin të paligjshme nëse arrinin të vërtetonin e gjenin qoftë edhe një qindarkë më shumë tek të ardhurat e tij.
“Meqë shkove personale do të të përgjigjem, Sali Berisha ka një apartament 30 metra katrorë më të madh se ai në kohën e diktaturës, pas 30 vitesh dhe 100 mijë euro në llogarinë bankare. Kushdo që gjen një qindarkë më shumë, është e paligjshme. Kam pasur fatin e madh që Edi Rama, kryeministri të kontrollojë e rikontrollojë 100 herë fëmijët e mi. Të garantoj ty që jo Rama, por edhe të tjerët, të kontrollojnë edhe 30 vite të tjera, nuk do të gjejnë asgjë,” tha Berisha ndër të tjera.
Discussion about this post