Sali Berisha i ftuar në emisionin Çim Peka Live në Syri TV ka akuzuar bandat në Shkodër së kanë ushtruar presion te votuesit dhe mbështetësit e opozitës.
Po ashtu Berisha ka denoncuar me emra bandat me në krye Pllumb Gjokën dhe fisin Bajri se kanë ushtruar presion dhe kanë intimiduar votuesit.
“Qendra e votimit ishte zënë nga disa bandidtë me tatuazhe dhe zinxhirë floriri në të katër anët vinin te zgjedhësit e prisnin te dera i hedhin dorën në qafë e shoqëronin brenda dhe e prisnin deri kur të dilte jashtë. Akili shkoi i fotografonte sepse nuk e lejuan të futej brenda edhe pse ishte vëzhgues.
Ai shkon në qendrën tjetër ku BMW e Pllumb Gjokës me makina me targa të huaja kishte vendosur nën kontroll qendrat e votimit. E marrin në telefon dhe i thonë se vëllezërit Bajri me BMW të blinduar shkojnë nga qendra në qendër për të mbjellë frikë te votuesit dhe mbështetësit e PD.
Unë i kam kërkuar Akilit që ti fotografonte por kjo u kushtonte jetën njerëzve pasi ata kanë mbushur qytetin me kamera”, tha Berisha.
Discussion about this post