Ish-kryeministri Sali Berisha ka zhvilluar ditën e sotme një takim me kryebashkiakun e ri të Kavajës, Fisnik Qosja. Nëpërmjet një reagimi në rrjete sociale, Berisha ka shprehur mirënjohje të pakufishme për qytetarët e Kavajës.
“Miq, sot prita në një takim kryetarin e ri të Bashkisë Kavajë, z. Fisnik Qosja. Në këtë takim shpreha mirënjohjen time të pakufishme për qytetarët, të cilët njëlloj si në vitet ‘90 e çliruan si të pamposhtur me datë 14 maj Kavajën nga monizimi i dytë.
Unë gjithashtu falenderova përzemërsisht kryetarin e ri të Bashkisë së Kavajës, degën e Partisë Demokratike dhe të gjithë ekipin e tij për suksesin që arritën në këtë fushatë dhe i urova z. Qosja suksese në detyrën e tij të lartë dhe fisnike si qytetar i parë i Kavajës”- shkruan Berisha.
Discussion about this post